Nang matapos ang araw na iyon ay maaga akong pinauwi ni Mr. Perell. May mga aasikasuhin pa raw sya para sa muling pagkikita nila ni Autumn. Mukhang excited pa nga at masayang-masaya sa mga planong nabuo nya. Hindi ko tuloy maiwasang hindi malungkot.
Paano kapag nalaman nya na akong si Joshua na driver nya at ang babaeng parati nyang hinahanap na minsan lang magpakita ay iisa?
Matatanggap nya pa kaya ako?
"Autumn, saan ka pupunta? Hating gabi na." Tanong ni Winter sa akin pero imbis na sagutin ay nagdiretso ako palabas ng bahay.
Bitbit ang isang tasa ng kape ay inakyat ko ang bubong ng aming bahay kung saan madalas akong tumatambay kapag ganitong napakarami ng iniisip ko. Sinalubong ako ng malamig na hanging yumakap sa akin. Naupo ako sa pinakatuktok saka tiningala ang langit na pin
