Chapter 47: Flowers & 4th gift
HINDI ko alam kung magugustuhan ba ni Leighton, na bigyan ko siya ng bulaklak. Kinakabahan ako, na baka magalit siya.
But I need to do it, it’s my daughter’s request. I told her I would do everything for her. I don’t want to disappoint my Astrid.
“Daddy, tulog na po tayo, hmm?” pukaw niya sa atensyon ko. Binalingan ko ang aking anak, at ngumiti. Maingat kong ibinalik ang papel sa box na pinaglalagyan niya ng mga request niyang ireregalo ko.
Hindi na nga ako makapaghintay pa na mabasa ang iba. Gusto ko kasing ibigay agad iyon sa kaniya.
“Iinom ka pa ng gamot, anak.” Tumayo ako para ipagsalin siya ng tubig sa baso, at hinanda ko na rin ang mga gamot niya.
“Daddy, bakit po pala hindi mo na tinanggal iyong pacifier ko?” naaaliw niyang tanong. Naka-frame
