ZAYL
"Hindi niyo man lang ba ako hinanap?" tanong ko kay Mama.
"Sinubukan ko pero hindi ko mahanap noon si Linda. Nawalan ako ng pag-asa. Tinanggap ko na lang sa sarili ko na napakasama kong ina. Anak, patawarin mo ako kung nagawa ko sa'yo 'yun," sabi ni Mama.
Naiintindihan ko dahil sa mga nalaman ko at sa haba ng kinuwento niya. Sa dami ng pinagdaanan kong pagkabigo sa buhay kailangan ko na lang tanggapin at patawarin siya. Kailangan naming mag-focus na lang sa kasalukuyan.
"Tapos na po 'yun," sabi ko at niyakap ko siya ng mahigpit.
"Eherm," sabi ni Papa nung biglang dumating.
Kumalas ako sa pagkakayakap kay Mama at tumingin kay Papa. Sabay pa kaming nagpahid ng luha ni Mama at napangiti.
"Kanina pa kayong seryoso diyan. Puwede na ba akong makisali?" tanong ni Papa at napangiti k
