KINABUKASAN ay agad na ginawa kay Xena ang Transvaginal ultrasound para masigurado kung okay lang ba ang pagbubuntis niya. At ni minsan hindi naman umalis sa tabi niya si Zev. Naroon na ulit sila sa silid niya, nakahiga lang siya sa kama habang ito nakatayo sa harapan niya. Alam niyang hindi ito mapakali dahil hindi pa rin kasi nila alam kung anong resulta ng ultrasound na ginawa sa kaniya.
“Gusto mo bang kumain?” napakunot naman ang noo niya sa tanong nitong iyon. “Oh, bakit?’ nagtataka ring tanong nito dahil sa itsura niya.
“Anong bakit? Kakakain ko lang kaya,” natatawa namang sagot niya.
“Inaalala ko lang kasi baka nagugutom ka na ulit, saka alam naman natin na hindi ka na nag-iisa. Dalawa na kayong kumakain na dalawa.”
“Oo nga, Zev, pero sasabihin ko naman sa ‘yo kapag nagugutom ak
