"O saan mo nakuha ‘yang tulyasi? Noong isang araw ko pa nga hinahanap dahil nga magpipista, hindi ko maalala kung sino’ng humiram," puna ni Menang sa anak na si Danilo pagkapasok sa bahay, bitbit ang kawa.
"Doon sa kahanggan kina Aling Myrna. Hindi maalam magsauli, kundi ko pa sinuysoy hindi magkukusa," napapailing na palatak ng binata at nagdiretso nasa kusina para isabit doon ang tulyasing hiniram ng kapit-bahay. Nakita nito si Nadielyn na nakatapat sa kalan at animo’y may niluluto.
"O ba’t nakasimangot ka? Gigil na gigil ka pa sa pagluluto," puna nito sa dalaga na parang gigil sa pagkudkod ng kung ano sa kawali. Bumili na sila ng stove dahil nahihirapan talaga itong gamitin ang old fashion nilang kalan.
"Ito kasing itlog, halos wala ng natira. Dumi
