Kaagad namang nakaawat si Danilo at hinila siya palayo dito.
"Amputek! Lalasing-lasing ka Susie, tapos inilalagay mo sa ulo! Ilayo mo nga ‘yan!" nagtatagis ang mga ngipin na utos ni Danilo sa kasama ng warfreak na si Susie.
Gigil na kumawala siya kay Danilo at nagmamartsang pumasok ng bahay.
Nangangatal siya sa inis. Sabunutan ba naman siya? Wala pang nakakagawa sa kanya niyon! Kailangan niyang bumawi! Napatingin siya sa kwarto ni Yaya Menang. May kalokohang pumasok sa isip niya at nagmamadaling pumasok doon. Tinungo niya kaagad ang ilalim ng kama at maingat na kinuha ang pakay niya. May pagmamadali siyang lumabas para balikan ang bruha.
"Danilo, matagal na kitang gusto, bakit ba ayaw mo kong pansinin?" desperadang sabi ni Susie na naabutan niya pang pilit niyayakap si Danilo. Maingat
