Special Chapter 1
Hindi na magkandaugaga si Nadielyn. Kakaalis palang ni Danilo para pumasok sa trabaho pero heto siya at nakatunganga sa mga nakatambak na pinggan. Wala silang kasambahay. Ang gusto kasi ng asawa ay mamuhay sila ng simple, kaya nga sumama siya dito sa Batangas at doon na nanirahan.
Sa totoo lang medyo nahihirapan siyang mag-adjust kahit na naranasan na niya dati ang mamuhay ng simple. Iba pala kasi kapag may anak na. Buhay prinsesa kasi siya dati tapos bigla siyang naging isang simpleng may bahay na lang. Nagpatayo si Danilo ng isang simpleng bahay na up and down. Sakto lang para sa kanilang tatlo. Malayo sa malamansiong tirahan na kinagisnan niya pero wala naman siyang angal. Ang mahalaga kasama niya ang pamilya niya.
Akmang dada
