ZOEY'S P.O.V
Nagbangayan ang dalawa nang dahil lang sa kanilang usapan. Hindi ko inakala na sasangkot si Bilasa sa mga ganitong krimen.
"Hoy, kayong dalawa ano ba talaga ang kailangan niyo?"
"Itanong mo diyan sa sekretarya mo!" sabat naman ni Jaden.
"Aalis muna ako at huwag mong saktan si Gina. Tayo ang mag-aaway kapag ginawa mo 'yan!" anito sabay talikod.
"Saan ba ang punta mo?" tanong naman ni Bilasa.
"Kukuha lang ako ng ticket para ilayo si Gina sa lalaking iyan!" tugon naman nito.
Matalim kong tinitigan si Bilasa. Sa kabila ng kabaitan ko sa kanila ay ganito ang gawin sa akin.
"Ano ang nagtulak sayo para pasukin mo ang ganitong krimen?"
"Manhid ka ba? Matagal na kitang gusto ngunit kahit kaunti man lang ay hindi mo ako binigyan ng halaga," sagot nito na ikinagulat ko.
