"P-PAANONG nangyari?" naguguluhang tanong ni Gracia kay Octavio habang hawak-hawak pa rin nito ang kapirasong papel na nag sasabing hindi si Uran ang kaniyang asawa, kundi si Octavio. Litong-lito siya sa mga nangyayari sa mga sandaling iyon. Kagabi lamang ay nalaman niyang ang ama nito na si Don Demetrio ang may pakana ng pagkikita nila ni Octavio noon sa Madrid. Sa lahat ng nangyari sa kaniya noon. Tapos ngayon—ito. Itong kasal niya. Sa pagkakaalam niya, si Uran ang lalakeng kaharap niya noon sa altar nang ikasal siya. Si Uran ang pumirma sa marriage certificate nila at hindi si Octavio.
Pilit na inalala ni Gracia ang araw ng kaniyang kasal noon sa Madrid. Walang ibang naroon sa loob ng opisina ng señor Salvador noong pumirma sila ni Uran para sa marriage certificate nila kundi silang d
