MAPANGHUSGANG mga mata at bulung-bulungan ang tumambad kay Eveleen matapos ang dalawang araw na pagliban niya sa klase dahil sa libing ni Harry. Nasa hallway pa lang siya patungo sa kanilang classroom pero hindi niya maatim na tinginan ang mga sulyap ng kapwa niya estudyante.
Sa pintuan pa lang ay agad niyang nakita ang pag-iwas ng tingin sa kanya ng mga kaklase.
“May gana ka pang pumasok?” Tumayo ang isa sa mga lalaking nasa last row at sinigawan siya. Huminto siya sa paglalakad dahil doon ngunit hindi siya umimik.
“Hindi ka na lang sana pumasok. Sa palagay mo, ga-graduate ka pa rin dahil sa nangyari?” dagdag pa ng isa niyang kaklaseng babae.
Mahigpit niyang hinawakan ang strap ng backpack na gamit. Minabuti niyang itikom ang bibig dahil alam niyang siya ang sisisihin ng mga ito da
