HINDI na dapat pang mabigla si Eveleen sa sinabi ni Tiffany dahil inaasahan niya naman talaga na iyon ang mangyayari. Ang hindi niya inasahan ay hindi katulad ng mga estudyante sa Sta. Cecilla ang naging pag-welcome sa kanya ng mga estudyante ng St. Montecarlo kahit na alam ng mga ito ang nangyari.
Hindi siya makaimik. Hindi niya alam kung ano ang mga salitang dapat niyang sabihin. Panay pag-o-overthink ang laman ng utak niya ngayon.
“Hindi ka ba nagulat man lang?” basag-katahimikan ni Tiffany sa tatlong minuto niyang pagtahimik.
Umiling siya. “Hindi ko na kailangang magulat sa balita na ‘yan. Sinabihan na ako ng adviser ko noon na hindi raw makakalabas ‘yong nangyari na ‘yon pero napakaimposible naman na hindi mangyari ‘yon. Siguro nagulat lang ako dahil hindi ninyo ako hinusgahan k
