MAHIGPIT ang pagkakadaop ni Eveleen sa mga kamay limang minuto pa lang nang makaupo sina ni Tiffany sa bleachers table upang hintayin ang kanilang P.E. teacher. Lahat silang naroon ay nakasuot pa rin ng regular uniform habang ang mga naglalaro naman ng basketball, volleyball, at badminton doon ay nakuha na nila ang mga uniporme nila.
Para bang gusto niya na lang munang umuwi at magpahinga ngunit hindi niya maaaring gawin ‘yon. Napasulyap siya sa paligid. Sa dami ba ng estudyanteng naroon, may nakakakilala pa ba sa kanya na galing siya sa Sta. Cecilla at alam ang tungkol sa nangyari? Hindi niya alam.
Kapag pinagtatagpo ang tingin nila ng mga estudyanteng natititigan niya ay kusa siyang umiiwas. Hindi niya kayang tingnan ang mga ito o kaya naman ay batiin dahil para siyang binabasa kahit
