"Say ahh baby babe," inilapit ni Zac ang doughnut sa bibig ni Alessandra pero hindi man lang sya nito pinapansin. Malayo ang tingin nito sa kawalan habang yakap-yakap ang mga tuhod. Kanina pa nya napapansin na tahimik ito simula ng umahon sila sa dagat. Hindi nya alam kung anong problema nito at bigla na lang ganito.
"Ayaw ko nyan busog ako," tipid na sabi nito, hindi man lang ito lumingon sa kanya at nanatiling nakatingin sa kawalan na parang batang paslit. Tinatangay ng hangin ang buhok nito na natuyo na.
Nagmamaktol tuloy ang puso nya dahil sa ikinikilos ng dalaga, wala naman syang alam na may ginawa sya ditong hindi maganda. Ano kayang problema nito?
"Baby babe-" hinaplos nya ang kamay nito.
"Gusto kong magpahinga inaantok ako," mabilis na sabi nito at tumayo sa kinauupuan.
Maang
