Ellie’s POV
Ilang araw nang sila Arya, Manang Cora, Cyfer at si Cyrill ang nakakasama ko rito sa mansiyon. Nakakasalamuha ko pa rin naman ang mga taga-silbi dahil minsan, tumutulong ako sa mga gawaing bahay. Marami na rin akong nakakainteraksiyon na mga trabahador sa hacienda dahil araw-araw kaming bumibisita roon ni Arya. Lagi naming tinitingnan ang bawat operasiyon nito. Iyon ang iniwang utos sa akin ni Keeion na siyang ginagawa ko naman ngayon. Ang i-manage ang plantasyon ng mga bulaklak.
“Manong Leo, maaari na pong pitasin ang mga puting rosas. Malago na po ito at namumukadkad na rin.” Lumingon ako kay Manong Leo na siyang katulong ko rito sa plantasyon. Kasalukuyan niyang dinidiligan ang mga bonsai na nasa cabinet. Naka-separate ang bawat bonsai roon base sa mga sizes nito.
“Opo, M
