Ellie’s POV
“Anong ginagawa mo rito?” Bakas sa kaniyang boses ang panginginig.
Gulantang ang naging reaksiyon ni Sydney nang tumalikod ito upang makita niya ako. Napalaki ang mga mata niya sa sobrang pagkabigla kaya naman nasabayan pa nito ng pagtayo. Nakahawak siya sa likod ng upuan habang nakatingin sa akin.
Maging ang kasama nito ay hindi rin makapaniwala na kaharap nila ako ngayon. Hindi nila lubos akalain na mahuhuli ko sila rito. Na sa dinami-rami ng tao, ako pa ang makikita nila sa restaurant na ito. Well, ako rin naman ay na-surprise. Parehas lang kaming nagulat. Kung tutuusin, ako dapat ang mas magulat sa kanila.
Ibig sabihin, may koneksiyon talaga sila. Hindi normal ang naging reaksiyon nilang dalawa. Kung wala silang tinatago, hindi ganito ang ikikilos nila. Hindi dapat sil
