31
Ellie’s POV
“Handa na ba ang lahat? Ang mga lulutuin ba ay kompleto na? Tingnan niyo nang mabuti kung ang mga sangkap sa lulutuin ay nasa kusina na nang hindi tayo mamroblema mamaya. May oras pa tayo upang bumili sa bayan kung may kulang pa sa mga ihahanda sa pagkain.”
Pagkababa ko sa hagdan, naabutan ko si Manang Cora na abala sa pagsasaayos ng antigo at naglalakihan vase sa living room. Araw-araw niya itong ginagawa, ang pagpupunas at pag-aayos sa mga mamahaling vase na narito na sa wari ko ay galing pa sa ibang bansa.
May ilang taga-silbi rin doon na pinagsasabihan niya at binibigyan ng iuutos.
Bakas sa matanda ang labis na stress dahil sa aligaga nitong galaw. Mabilisan niyang inaayos ang bawat vase na naroon at pinapalitan ng bagong bulaklak ang mga ito. Maging ang mga taga-s
