Keeion’s POV
Hindi ko maatim na tingnan ang kalagayan ni Ellie nang madatnan ko ito sa art room. Agad akong dumiretso rito nang malaman ko kila Manang Cora na narito siya. Silang lahat ay nasa veranda ng second floor malapit lamang dito at inaabangan ang paglabas ni Ellie ngunit ilang oras na raw siyang nasa loob at hindi pa lumalabas hanggang ngayon. Hindi pa nga raw ito kumakain ng panghapunan. Ayaw naman nilang istorbohin ito at ako ang hinihintay nilang dumating.
Pagkatawag ni Arya kanina sa akin ay agad na akong nagbihis at bumiyahe. Ako na mismo ang nag-drive dahil sa pagmamadali. Sobrang kaba ang naramdaman ko kanina nang malaman na bumalik na ang mga ala-ala ni Ellie. Kinakabahan ako ngunit hindi ko maitanggi na mas nangingibabaw ang tuwa sa akin. Alam kong hindi magiging maganda
