Ellie’s POV
“Ellie, umuwi ka na muna kaya? You need some rest. Noong isang araw ka pang narito, wala ka pang sapat na tulog. Sumabay ka na sa akin ngayon.”
Naalimpungatan ako nang tapikin ako ni Arya sa balikat. May dala itong malaking bag kung saan nakalagay ang mga ginamit naming damit kahapon at ngayong buong araw. Alas-siyete na ng gabi at mukhang uuwi na ito sa condo ni Keeion para kumuha ulit ng gamit kinabukasan. Ganito rin ang routine niya noong isang araw, unang araw na narito si Keeion sa hospital.
Napaupo ako nang maayos at hinarap ito. “Ayos lang ako, Arya. Dito lang ako sa tabi ni Keeion hanggang sa magising siya.”
“Sigurado ka ba? Kami naman ang mag-aalala sa ‘yo kung may mangyaring masama sa iyo. Paniguradong hindi magugustuhan ni Keeion kung sakaling ikaw naman ang suma
