Ellie’s POV
Nasa kalagitnaan ako ng pagkakatitig sa kisame nang maalala ko ang nangyari kahapon. Naalala ko na naman ang ibinigay sa akin ni Arya.
Lumingon ako sa gilid ko at nakita roon ang nalalanta ng daisy flower.
Doon ko ipinatong kagabi ang bulaklak sa side table ng kama ko. Sinadya kong iwan doon nang mahanginan bago ko itago sa pahina ng libro. Hindi ko mawari kung bakit hindi ko ‘yon tinapon at talaga namang mas pinili ko pang iuwi rito sa mansyon.
Ano bang mayroon sa bulaklak na ibinigay ni Keeion?
Ang sabi sa akin ni Arya, kaya ibinigay sa akin ni Keeion ang bulaklak ay dahil tila ako ang ipine-presenta ng bulaklak na daisy. Malamang ay dahil sa disenyo ng bracelet ko kaya niya ‘yon nasabi. Doon niya nakuha ang ideyang ‘yon kaya kung tutuusin, wala lang dapat sa akin ito. H
