HINDI alam ni Lauren kung anong oras na siya natapos kaiiyak. Ang alam lang niya ay parang ayaw na niyang bumangon. Mataas na ang araw nang makatulog siya. Nang dumating ang tanghali, doon lang siya nagising. Nakatanggap siya ng tawag mula kay Josiah.
“Are you okay?” tanong nito.
“I’m not,” aniya, tila galing sa hukay ang boses niya na hindi niya alam kung paano nabigkas. May bara din ang kanyang ilong dahil sa sobrang pagluha. Masakit din ang kanyang lalamunan.
“Inaayos na ang kaso ni Fabian at Honey. Your in-laws know about it now. Kung sakaling magkaroon ka ng oras pwede kang magpunta sa presinto. Magpasama ka na lang sa asawa mo.”
Asawa? Nagsimula muling tumulo ang kanyang luha.
Hindi niya alam kung saan siya pupunta ngayong araw. Nais niyang harapin ang ina at si Kael para kom
