Dumating ang araw ng Linggo. Ang araw na pinakaaayawan ni Lianne. Kung siya kasi ang masusunod ay hindi talaga siya pupunta sa party na 'yon. Mas gugustuhin niya pang magmukmok sa bahay kaysa makipagsosyalan sa mga taong may sinasabi sa lipunan.
Iyon ang araw na muli na naman silang magkikita ni Russel. Ayaw niyang mangyari iyon dahil malalaman ng bilyonaryo ang katotohanang kagaya nito ay may asawa rin siya. Isa pa, dadalo rin ang mga magulang niya at sigurado siya na sermon ang aabutin niya sakaling malaman ng mga ito na ilang beses na silang nagkikita ng bilyonaryo.
Kasama ni Russel ang asawa nito sa pagdalo sa pagtitipong iyon at hindi niya kayang pakiharapan si Mary Ann kahit kalahating minuto man lang. Hindi niya kayang makipagngitian o makipagbatian man lang dito dahil sa nangyar
