Isang malakas na sampal ang dumapo sa kaliwang pisngi ni Lianne ilang minuto matapos siyang makapasok sa opisina ni Gerard. Halos mayanig ang pagkatao niya sa sampal na iyon. Kung hindi siya nakakapit sa mahabang sopa ay malamang na bumagsak siya sa sahig.
"D*mn, Lianne!" Malakas na sigaw ni Gerard at akma na namang siyang sasampalin subalit agad iyong napigilan ni Andrea na naroon din sa loob ng opisina.
Dinaluhan naman siya ni Dina, ang bagong executive secretary ni Gerard. Inalalayan siya nitong makaupo sa sopa at nagpaalam na lalabas na ng silid. Napaluha na lang siya. Hindi niya akalain na pagbubuhatan siya ng kamay ng asawa. Ngayon lang ito nangyari sa mahigit isang taon nilang pagsasama.
"Tama na, Gerard," usal ni Andrea. Nilapitan nito ang kaibigan saka niyakap. Mababakas ang pa
