Panay ang irap nina Andrea at Katrina sa isa't isa na ikinaling ng Lianne. Tila mga bata ito na hindi pa rin matapos ang pag-aaway. Naiipit tuloy siya sa gulo ng dalawa niyang kaibigan.
"Mayroon ka bang inaasahan na bisita, Beshie?" tanong ni Katrina nang marinig nila ang pagtunog ng doorbell.
Nagsalubong ang dalawang kilay ni Lianne. "Wala naman." Tumayo siya para tingnan kung sino ang dumating, ngunit nagprisinta na si Manang Iska kaya muli siyang naupo sa sopa.
"Sana si Russel Ferrer," usal ni Andrea saka ngumiti. "Sabi niya kasi sa akin kanina paglabas niya ng conference room ay pupunta na lang siya sa bahay ninyo ni Gerard dahil interasado talaga siya sa partnership na ini-o-offer ni Gerard."
Biglang kinabahan si Lianne. Kung si Russel Ferrer nga ang nasa labas ay katapusan na ng
