Paglabas namin ng office ay nasa may pintuan si Jerry. Kanina pa siyang nakatayo dito? Nagtaka siya sa paglabas namin ng office pero kinuha naman niya ang mga gamit ko.
"Jerry, Mrs. Chiu is inviting me and Charie for dinner, pakisundan na lang ng sasakyan niya kung saang restaurant," sabi ko habang nasa tabi ko sina Charie at Mrs. Chiu. Tumango lang si Jerry habang bitbit ang mga gamit ko atsaka kami iginiya sa elevator.
Sa passenger's seat ako sumakay at si Charie ay sa backseat. Nakatingin si Jerry sa sasakyan ni Mrs. Chiu sa unahan namin para masundan ito.
"Hon, balikan mo na lang kami ni Charie kapag naihatid mo na kami. Kumain ka na rin kung saan mo gusto, hindi kita puwedeng isama eh," sabi ko habang nasa biyahe.
"Wala naman akong magagawa," wika ni Jerry.
"I-te-text na lang ki
