Ang kanina’y hinala lamang sa isipan ni Xenon ay magiging tiyak na konklusyon. Sa oras na ito, sigurado at wala nang pag-alinlangan pa ang kanyang utak na isipin na binihag nga ng Night Terrors ang pinakamamahal niyang si Zeke. At ang tanging papasok at tatanggapin ng kanyang isipan ay ang iligtas si Zeke mula sa kamay ng mga Night Terror.
Walang komento na lalabas mula sa bibig ni Ford lalo na nang makita nito ang mukha ni Xenon. Kahit sino pa man ang makakita sa kasalukuyang mukha ni Xenon ay hindi magtatangka magbigay ng salita o may lakas na kausapin si Xenon. Kung seryoso na si Xenon sa normal na araw, mas nakakatakot at nakakamatay ang nakapintang kaseryosohan sa mukha ni Xenon. Hindi lamang sa mukha ito makikita kundi lumalabas din ito sa buong katawan niya, pumapalibot sa kanyang
