“LET’S go,” walang emosyon kong tawag sa atensyon nina Mother at Marvie habang nag-uusap sila rito sa lobby ng hotel.
Hindi ko na sila hinintay pang sumagot at tumayo. Nilampasan ko agad sila at dire-diretso akong naglakad palabas na para bang kating-kati na ang mga paa kong makalayo rito.
“Hoy, Louise, hintay!” tawag sa akin ni Marvie.
Saglit akong tumigil sa paglalakad nang ma-realized ko kung gaano kabastos ang naging asal ko sa kanila ni Mother. Wala naman silang kasalanan sa akin pero pati sila ay nadadamay sa galit na nararamdaman ko para kina Jacob at Monique.
Galit nga ba o baka naman . . . Selos?
Singit ng utak ko na mabilis kong sinawata. Galit ako, iyon lang ’yon!
Mabilis kong hinarap si Marvie na patuloy ang pagtawag sa pangalan ko. Ngunit paglingon ko ay siya namang pagb
