DAHAN-dahan at walang ingay akong naglakad papasok sa loob ng bahay. Iniiwasan ko na makalikha ng kahit na ano mang ingay para hindi ako makita ni Mommy o kaya kahit ni Ate Trina. Masiyado pa rin akong lulong sa saya dahil sa mga naganap kanina sa condo ni Jacob at ayokong masira agad ang sayang nararamdaman ko kapag tinalakan na naman ako ni Mommy.
Not now. Puwedeng later na lang basta huwag ngayon dahil masiyado akong masaya.
Kung si Daddy naman ay alam niya kung saan ako nanggaling. I’m sure nasabi ni Jacob sa kaniya na nasa place niya ako dahil nakita kong kapalitan niya ng message si Daddy kagabi. Hindi ko nga lang alam kung ano ang mga naging usapan nila. Ayokong usisain. Usapang lalaki iyon kaya hindi ko dapat pakialaman. Isa pa, I respect his privacy lalo na sa cellphone thingy.
