SA halip na magpatangay sa buwisit at inis kay Jacob ay pinagsawa ko na lang ang aking paningin sa luntiang kapaligiran.Tinanaw ko ang mga puno ng mangga at niyog na hitik sa bunga sa nakabukas na bintana.
May dalawang duyan na gawa sa malalaking gulong sa ilalim ng magkatabing mangga. Sa kanan namang bahagi no’n ay duyan na kung hindi ako nagkakamali ay gawa sa hinabing fiber ng abaca. Madalas ko iyong makita sa mga baryo kung saan kami nakakarating noon ni Matet para magbigay ng konting tulong sa mga batang kapos-palad.
Twice a year namin iyong ginagawa ni Matet tuwing sasapit ang aming kaarawan. Sa halip na maghanda kami ng magarbo at makipagsosyalan sa mga kaibigang mayayaman ng aming pamilya, ay mas pinipili na lang naming i-celebrate iyon sa pag
