Chapter Seventy-Two
SEBASTIAN
"ANAK, ayos ka lang ba? Hindi pa ba tumatawag sa iyo si Sam? Nasaan na raw siya?" ani Mama pagkarating ko sa kusina.
"Hindi po Ma. Hindi ko nga alam kung babalik pa po siya. Maliligo lang po ako at baka ako ay mahuli sa pagpasok," saad ko saka ako dumiretso sa banyo.
Ayaw ko na munang pag-usapan ang mga nangyayari dahil hindi ako nakakahinga. Sumisikip ang aking dibdib kapag maaalala ko ang mensahe ni Sam.
Ano ba ang nagawa kong mali para paglaruan ako ng tadhana?
Tang-*nang pagmamahal ito.
Siguro ay ayaw na talaga niya sa akin. Siguro ay mas mabibigyan siya ng sapat na oras ng lalaking kanyang kasama. Siguro ay mas masaya siya sa piling niya kaysa sa akin. Siguro sila na habang buhay.
Putang-*nang siguro!
Para akong sinasaksak ng ilang ulit dahil sa
