Chapter Seventy-One
SEBASTIAN
PAGKARINIG ko pa lamang sa boses ni Mama Minda mula sa kabilang linya ay hindi ko na maipaliwanag ang nararamdaman ko basta ang alam ko lang ay pumipintig ang aking aking puso nang sobrang bilis.
Kahit hindi ko pa napapatay ang tawag ay kinuha ko na ang susi sa babaw ng mesa saka ako nagmadaling lumabas.
Iba na itong pakiramdam ko.
"O Seb, hijo, nagmamadali ka yata? Saan ka pupunta?" tanong ni Tita Cindy, ang Mama ni Ate Andrea.
"May importante lang po akong aasikasuhin Tita. Maiwan ko po muna kayo," saad ko saka ako kumuha ng baso at sinalinan iyon ng tubig.
Naninikip ang loob ko dahil sa kaba.
Hindi ko man alam ang nangyari ngunit hindi ko maiwasang mag-alala ng sobra.
"Anak, pupunta ka ba sa San Agustin? Nandoon na ba si Sam?" tanong ni Mama.
"Hi
