Masisikmura ko lang manatili pa roon kung matapang ako— pero hindi. Hindi ko na kakayanin pang magtagal sa kumbentong iyon kung si Matthew lang din naman makakaharap ko.
Aminadong natakot ako sa ipinakita niya. Ito `yong side na hinding hindi aakalain ng mga nakakakilala sa kaniya dahil ibang iba talaga siya kapag hindi kilalang tao ang kaharap. Ngunit sa kabila nito, kung may dapat pa akong alalahanin, iyon ay walang iba kundi ang binabalak niya sakaling kumalat nga ang mga nalaman ko sa kaniya. Hindi ko alam kung bakit nangangamba ako gayong `di ko naman ginustong sumabak sa eleksyon, bakit ganoon?
Dapat nga maging masaya pa ako, `di ba? Dapat nga ipagbunyi ko pa `yon dahil may paraan na ako para makawala sa puwestong ipinilit sa akin. Ang kaso, kahit na ipagpilitan kong lumingon
