Naguguluhan ako. Bakit siya nandito gayong may ensayo siya sa horse racing? Coincidence lang ba ito o talagang sinadya ako rito?
Awtomatiko akong nagpatuloy sa milktea shop kahit na atat na atat akong sagutin ang mga tanong ko. Sa mga oras na ito, kailangan kong samahan si Jaslo. Hindi lang dahil sa iyon ang binilin ni Drea kundi dahil batid kong nasasaktan ito sa mga narinig kanina.
I mean, let’s face it. Maling mali si Drea. Mali siya nang sabihin niyang walang kwenta ang desisyon ni Jaslo upang manatili’t piliin ang buhay na nakagisnan niya. Ang sama lang marinig kung paano niya na-invalidate ang mga magsasaka gayong mahalaga ang gampanin nito. At talagang nagmula pa iyon sa kaniya? She’s running for SK Elections! Anong ugali ang dapat pang matularan sa kaniya?
Pagkabalik ko
