Chapter 41: You’re Dead Act 2
Kanina pa ganito si Lance: nakaupong nakayuko na ang dalawang palad ay nakatakip sa mukha. Kabadong-kabado siya, hindi na niya maipagkakaila iyon. Ang tanging pinakaaasam lang niya ay sana huwag mangyari ang ikinatatakot niyang mangyari. Maternal poisoning.
Sana ay okay lang ang mag-ina niya.
“Kuya, makakayanan ito ni Denise,” may bahid ng awa na wika ni Charles. “Palaban ang babaeng iyon.”
Mula sa malalim na pag-iisip ay napabalik si Lance sa kasalukuyan. May narinig kasi siyang isang napakapartikular na salita. Palaban. Sa tagal ng pinagsamahan nila ni Denise, para sa kanya ay naging palaban ba ang dalaga?
Muling nalunod ang binata sa dagat ng pag-iisip masagutan lamang ang tanong na kalilitaw lang. Marami silang alaalang pinagsamahan ni
