“Naku, mukhang napilit si Sir ng mga pinsan niya.” Halatang natuwa si Manang Elna nang marinig nila ang sunud-sunod na ugong ng mga sasakyan sa labas at nang sumilip sila sa sala ay wala nang tao roon ni isa. Wala naman silang nakitang dumaan paakyat kaya malamang ay sumama nga ang Sir nila.
“Eh bakit po parang ang saya mo, Manang?” taka niyang usisa rito.
“Eh kasi naman. Ilang taon nang Hindi naglalalabas ang amo natin. Dati rati naman, mahilig iyan lumabas. Kaso, mula yata nang naghiwalay siya at ang nobya niya ay nag-iba na siya. Parang na-broken hearted ba. Palagi na siyang naglalasing hanggang sa dumating ang araw na kabaliktaran naman ang ginagawa niya. Palagi na lang siyang nandito sa bahay niya. Sa tuwing niyayaya siya ng nga kaibigan at mga pinsan niya ay tigas siyang tumatang
