TININGNAN niya lamang si Adam na maglakad papalayo sa kaniya nang makarating na sila sa gymnasium. Napangiti na lang din siya pagktapos ay tiningnan niya ang binigay na kape ng binata sa kaniya.
Inubos niya na lamang ang laman ng kape na iyon. Nang matapos niyang ubusin ay itinapon niya na iyon sa basurahan. Tsaka naman natanawan ang isang babae na papalapit sa kaniya. Kumunot kaagad ang noo ni Fabella sa kaniyang nakita.
Pamilyar ang babaeng iyon—tiningnan niya ang babae nang mabuti habang naglalakad papalapit sa kaniya. Bigla niya namang naalala ang naging kaaway niya last school year, no’ng tournament din.
Iyong babaeng hitad na iyon!
Kaya pala pansin niya kaagad ang suot nito na dress na sobrang iksi. Tapos ang taas pa ng taking ng kaniyang suot-suot na high heels. Bihira niya
