Naalimpungatan si Roselda sa kanyang pagkakatulog. Nasa loob siya ng tent para sa mga babae. Wala na siyang naririnig na ingay sa labas. Tanging mga huni lamang ng kuliglig ang nag-iingay sa paligid. Napasuklay siya ng kamay upang ayusin ang nabuhaghag niyang buhok at ilang ulit pang napakisap. Nang masanay ang kanyang paningin sa dilim, naaninag niya si Japeth na himbing na himbing sa pagkakatulog sa isang sulok. Maingat siyang lumabas ng tent.
Agad niyang nakita si Mirasol, nakayuko ito sa picnic table, kalong ng mga braso ang ulo at himbing na himbing rin ang tulog. Si Lloyd naman ay nakaupo sa portable stool na katapat nito, yakap-yakap niya ang gitara na para bang unan at tulog rin. Sa 'di kalayuan, magkayakap na natutulog sina Marissa at Antonio, naalala niyang naglatag ang dalawa n
