Hinihimas ni Rabalya ang matabang higad-dagat habang nagmamasid. Ang isang ito ay ligtas nang hawakan dahil natanggal na niya ang mga tinik nito sa katawan na nagtataglay ng pambihirang lason. Matapos niyang makuha ang mga tinik ay minabuti niyang alagaan pansamantala ang higad upang manumbalik ang kalusugan nito.
Mula sa malayo ay natatanaw niya ang anyo ng mga sireno't sirenang nalalatayan ng maiitim na mga marka sa buong katawan. Hindi sila tulad ng kinagisnan niyang anyo noong kabaatan niya. Sila ay naiiba. Naaayos sa iba't ibang tirintas ang kanilang mga buhok; ginupitan, binawasan, pinahaba at tinali sa samo't saring disenyo. Mayroong mga sirenong nagtataglay ng mahahabang buhok, mga sirenang sobrang ikli ang buhok; mayroong hindi pantay ang gupit at mayroong kalbo.
Maging siya ay
