Parang panaginip na nagkatotoo. Ganoon ipaliwanag ni Roselda ang kanyang pakiramdam noong masaksikhan niya ang pagbabagong anyo ng kanyang mga binti upang humugis bilang isang puting buntot. Nakakakilabot subalit nakakamangha.
Habang siya ay nakahiga sa kanyang katre ay naalala niya ang kanyang panaginip tungkol sa mahiwagang babaeng naglalakad sa ibabaw ng tubig. Doon sa paniginip, siya ay isang sirenang may puting buntot tulad nang nangyari sa kanya noong kinain niya ang halamang giginhawa. Ano nga kaya ang pakiramdam kung ikaw ay nakakahinga sa ilalim ng tubig? Napaisip siya.
Tumagilid siya ng pagkakahiga. Nasulyapan niya ang garapon na naglalaman ng itim na perlas na bigay sa kanya ni Managat sa unang araw ng kanilang pagkikita. Kada tatlong araw ay pinapalitan niya ito ng tubig na m
