Mabilis na lumapit ang dilaw na lambanang-dagat sa dungawan ng silid. Aligaga ito nang tumingin sa munting sirena na nakahilig ang ulo sa maliliit nitong braso habang nakatingin sa wala pa ring malay na Punong Maayo.
“Sarikit! May paparating na panganib.”
“Anong sinasabi mo, Sagi?” Tugon ni Sarikit sa nababagot na tono. Lumapit ito sa dungawan.
Sa kalayuan, may natatanaw siyang mga hugis. Noong una’y kakaunti lamang ito. Ilang saglit pa ay dumami ang mga hugis. Pagkatapos ay narinig niya ang atungal ng isang halimaw.
--------
Nagulat ng bahagya si Roselda nang huminto sila sa harap ng entrance ng lumang resort. Hindi niya akalain na dito pala nakatira si Jacobo.
“Ate Eda, dito po kami titira, kaso parang haunted house naman po dito.” Nakangusong sabi ng bata.
Napangiwi ang dalaga sa
