Pinagmasdan ni Roselda na hinaplos ni Managat ang gilid ng ulo ng kanyang lumba-lumba, bago ito tuluyang lumangoy palayo.
Sa tulong ng mga lumba-lumba, malayo ang kanilang narating. Madali nilang nasundan ang direksyon na tinahak ng dinalwa. Dahil doon ay naisip niya ang minsang nabasa niya sa isang Science book na ang mga hayop-dagat na kagaya nila ay may kakayahang magpadala ng sonar upang mahanap ang kanilang pagkain o makipag-usapan sa mga kauri.
Patuloy niyang pinagmasdan ang pulutong ng mga lumba-lumba hanggang sa hindi na niya ito matanaw. Bumaling siya sa sireno at nakaramdam siya ng kaunting lungkot ngayong naiwan ulit sila. Nakakagaan ng loob ang presensiya ng mga hayop. Lalo na ang kanilang mapaglarong katangian. Ilang beses ding lumapit ang ibang lumba-lumba sa kanya kanina h
