Isinandal ni Saminsadi ang bilugang salamin sa isang nakausling bato. Lilipad-lipad siya sa ibabaw nito habang pinagmamasdan ang kauring nakikipag-ugnayan sa kanya. Sa kabila ng liwanag na sumasakop sa kanilang kinaroroonan, kabaliktaran naman ang bumabalot sa kabilang ibayo. Isang dilaw na liwanag ang tumatanglaw sa kadiliman.
"Saminsadi."
"Saginrawa?" Napangiti ang lambana. Ang lambanang nakatitig sa kanya ay kawangis niya sa lahat ng aspeto, maliban na lamang sa katotohang magkasalungat sila ng kasarian. Ito ay babae samantalang siya naman ay lalaki. "Bakit ka tumatawag?"
"Nais ko lamang na magtanong?" Tugon ng dilaw na lambana. "Kasama mo ba ang iyong mortal na Pangintalan?"
Napakunot ang noo ng asul na lambana. "Hindi ko siya kasama. May kailangan ka sa kanya?"
"Ibig makipag-usap
