Nagsimula nang mag-ayos ng mga gamit ang mga kabarkada ni Roselda. Pero siya ay nakatayo lamang at nakaharap sa dagat. May ngiti pa rin sa kanyang labi at parang nararamdaman pa rin niya sa kanyang balat ang maligamgam na tubig sa ilalim ng dagat.
"Oy Eda? Nati-temang lang teh?" Untag ni Japeth sa kanya, dala-dala nito ang mga nakatiklop na portable stool sa magkabilang kamay. "Natutulala ka oh. Anong nangyari sa'yo?"
"W-wala." Tugon ni Roselda na nagulat sa pang-i-isturbo sa kanya ng kaibigan. "Natutuwa lang ako."
"You mean, nag-enjoy ka?" Sabi ni Japeth. "Ang selfish mo rin eh 'no. Hindi ka man lang nag-aya. Solo flight ka lang naligo."
"Kasalanan ko bang ang sarap ng tulog ninyo?" Salungat ni Roselda dito. "Ayan oh, may laway ka pa yata sa pisngi." Biro pa niya.
Binitiwan ni Japeth
