MATAPOS kong ipasyal si Athena sa isang mall na malapit sa bayan ay hinatid ko na siya sa bahay. Bumalik ako sa shop para kunin ang naiwan kong laptop. Nagpalipas na rin ako roon ng ilang minuto para matulungan si Rani sa pagsasara ng shop.
"Kumusta naman ang meeting n'yo kanina ni Valeen?" tanong niya habang inaayos ang mga bulaklak at naghahanda sa pagsasara namin.
"Okay naman. Napirmahan na niya ang contract."
"Kainggit naman ang babaitang 'yon! Mayaman na, maganda ang work at higit sa lahat sobrang g'wapo ng mapapangasawa. Parang sinapo niya lahat ng grasya nang magsabog ng kaswertehan ang Diyos."
Mapait akong napangiti. Tama si Rani napakaswerte nga ni Valeen. Nasa kaniya na ang lahat, lalong-lalo na ang lalaking pinakamamahal ko. Minsan tuloy ay nabi-bitter ako kapag nakikita ko
