KASALUKUYAN akong nagluluto sa kusina para sa dinner namin nang bigla na lang may yumakap sa akin mula sa likuran. Sa sobrang lalim ng iniisip ko ay hindi ko man lang namalayan ang paglapit sa akin ni Tyrone. Hanggang ngayon kasi ay hindi pa rin maalis sa isip ko ang paghaharap namin ni Valeen kanina.
"Good evening, mahal."
"Naka-uwi ka na pala."
"Wala bang kiss d'yan?"
Pumihit ako paharap kay Tyrone at hinalikan siya sa mga labi. Bago pa lumalim ang halikan namin ay agad ko nang tinapos iyon.
Kumunot ang noo niya sa ginawa ko. "Okay ka lang ba? Bakit parang matamlay ka."
Pinilit ko siyang nginitian at sinikap maging payak ang tinig ko. "Okay lang ako. Medyo inaantok lang kasi lagi mo akong pinupuyat."
Natawa siya sa sinabi ko.
Muli ko nang binalik ang atensyon sa niluluto ko bago
