MAXENE'S POV
Papasikat pa lang ang araw ay lumabas na kami ni Tyrone sa bahay. Iniwan namin si Athena mag-isa sa kuwarto dahil tulog pa ito ng mga sandaling iyon. Nag-jogging kami sa tabing dagat. At dahil bihira akong mag-exercise ay madali akong napagod.
Magkatabi kaming naupo ni Tyrone sa buhanginan habang pinagmasdan ang asul na dagat.
"Grabe! Sobrang ganda talaga sa lugar na ito. Sariwa ang hangin, ang linaw ng tubig sa dagat at ang ganda ng view. Nakakawala ng stress."
"Gusto mo rin ba ng ganito? Sabihin mo lang, ibibili kita."
"Puro talaga gastos ang nasa isip mo."
Inakbayan ako ni Tyrone. "Mahal, kaya nga ako nagpapakahirap mag-work para maibigay ko ang lahat ng gusto n'yo ni Athena. I want to provide you with the luxurious life that you deserve."
Kinilig naman ako sa sinabi
