HINDI maipinta ang mukha ko habang nagda-drive papunta sa hotel. Wala na si Maxene nang magising ako kanina. Gaya ng dati ay iniwan na naman niya ako. Plano ko pa naman magbakasyon ng ilang araw kasama siya.
Nang makarating ako sa loob ng aking opisina ay inabutan ko si mommy.
"Anong ginagawa n'yo rito, mommy?" kunot noo kong tanong habang naglalakad papunta sa office table ko.
"Galing ako sa bahay nina Maxene. May sakit si Athena. Hinahanap ka niya, Tyrone. Nami-miss ka na ng bata."
Pakiramdam ko ay lalong nagwala ang dibdib ko dahil sa mga sinabi ni mommy. "Nagpunta kayo rito para lang sabihin sa akin 'yan?!"
"Anak, ano bang nangyayari sa 'yo? Bakit bigla mo na lang nilayuan si Athena?"
"Anak siya ni Maxene sa ibang lalake!" Hindi ko na napigilan pa ang pagtaas ng boses ko.
"So
