Nakaupo si Nova sa gilid ng kama; ang mata nito ay nakatanaw sa nakabukas na pinto patungong balkonahe. Bakas sa mata nito ang lungkot. At marahil ay panghihinayang.
"Mommy!" Tumakbo si Brantley patungo kay Nova at mabilis na yumakap. Puno ng pananabik ang bata sa kinagisnan nitong ina. Ang mga mata naman ni Nova ay nagtatanong nang tumingin sa kanya.
"Hinahanap ka eh. Hindi ko puwedeng hindian," pagdadahilan niya. Dahan dahan siyang lumapit at umupo sa tabi nito.
"Did you know I had a bad dream last night?" kwento ng anak niya kay Nova.
"A bad dream?"
"Yes, mommy. Kinuha ka daw nung naka-black na guy. Umiiyak ka kasi ayaw mong kunin ka nila. Kaya nag-cry din ako."
Napayuko ito na pinilit itago ang luha sa kanya.
"Di ba 'di ka naman sasama, mommy?"
"Hindi sasama ang mommy mo, Bra
