"Maliyah! Maliyah!" tawag ng may-ari ng bahay na inuupahan niya. Isa iyong studio apartment na maluwag na para sa kanya. Mag-isa lang naman siya sa buhay. Mayroon lang siyang kama, ref at electric fan ay sapat na. Maghapon lang siyang nakahiga, umiinom kapag hindi makatulog, pagkatapos sa gabi ay sa bar na ginugugol ang oras para mairaos ang isang araw. Ganito na yata ang magiging routine niya hanggang kunin siya ng kamatayan.
Pupungas-pungas siyang bumangon dahil alas dos pa lang ng hapon. Alas nueve ng umaga na siya nakatulog dahil sa lalaking inaalok siyang maging asawa. Hindi niya alam kung lasing lang ito o pinagti-trip-an siya para lang mai-takeout.
"Ano ho iyon, manang?" tanong niya pagbukas ng pinto. Nagulat siya nang makitang katabi ng ginang ang lalaking huling kausap niya sa b
