Abala naman ako maghapon at laging nakangiti dahil nakailang tawag na si Sir Braxton sa bago kong cellphone. Ganito pala ang in love. Hindi ko maipaliwanag ang nararamdaman ko na parang kaya ko lahat dahil nagkaroon ako lalo ng inspirasyon bukod kay Lola. Nawala na rin ang pangungulila ko sa Bukidnon dahil ipinaramdam sa akin ni Sir Braxton na hindi ako nag-iisa dito sa Maynila.
"Alas singko y media na, alas sais ka ba uuwi?" tanong ni Edcel nang puntahan ako sa opisina ko.
"Maya maya pa. May tatapusin lang ako," pagdadahilan ko. Nang makaalis si Edcel ay nakatanggap naman ako ng text galing kay Babe na kuhanin ang sales report noong nakaraang linggo sa filing cabinet nito. Nasa kanang bahagi iyon ng opisina nito na natatakpan ng isa pang shelves na puno ng libro tungkol sa Economics, Sc
