From the journal of Martin Alarcon:
Now that I met her
Magaan ang simoy ng hangin. Saktong-sakto itong nanunuot sa kalamnan ko habang tinutungo ang misteryusong babaeng nakaputing damit. Wala akong pangamba na baka may masama siyang gagawin sa akin kapag nakapunta na ako sa kinaroroonan niya.
Sa ilalim ng masiglang araw, sa panatag na bundok ng Lemnia, habang naghahanap ng desenteng palikuran kung saan iihi, hindi ko namalayan na sa layo na ng nilakad ko’y naliligaw na pala ako.
Maingat kong binabantayan ang bawat hakbang na ginagawa sa malamig ngunit hindi katangkarang mga damo. Sa isip ko, kapag napuntahan at nakausap ko na ang babae ay malamang matutulungan niya ako sa pagtukoy ng daan pabalik sa camping site namin.
Sana nga’y alam niya at matutulungan ako sa pagbalik.
Nang may bi
